Tu âs cirût la peraule
monolengâl
torne indaûr

monolengâl

tornâ sù loc.v.
Rivâ sù une altre volte intune posizion alte, par esempli insom di un rilêf, tal plan alt di un edifici, a cuote alte tal aiar e v.i. o intun puest che al è a Nord
esemplis
"al jere tornât sù inte sô cjamare e al veve spalancât i scûrs dal barcon"
gjavât fûr di "Il sium di Lissandri" di Franca Mainardis
"pitôrs po! Zuanfrancesc al tornave sù su la armadure, al cjapave in man il pinel, lu tocjave tal colôr…"
gjavât fûr di "La aghe da pît la cleve" di Dino Virgili
"[...] content come une vacje al torne sù in Cjargne"
gjavât fûr di "Al marcjât di Vile" di Luigi Gortani
tornâ sù loc.v.
Tornâ a cjapâ une posizion di podê
esemplis
"[fevelant al sindic prin des elezions] "O viôt che o veis sperance di tornâ sù e che us fasin cavalîr..." "Ben! Lassìn lâ; a mi mi interesse il ben dal popul.""
gjavât fûr di "La crete che no vai" di Domeni Zannier
tornâ sù loc.v.
Tornâ a jessi presint, tornâ a sucedi (fig.)
esemplis
"a tornaran sù di sigûr, e za o notìn i segnâi, i mai impisulîts riclams ae centralizazion de vite publiche"
gjavât fûr di "Citadins talians di nazionalitât furlane" di Dree Valcic
tornâ sù loc.v.
Jessi fat sù di gnûf, tornâ a jessi costruît
esemplis
"tal 451 a son passâts i Uns: a àn brusade e ardude Aquilee! No je mai tornade sù come prin"
gjavât fûr di "La nestre storie" di Francesc Placerean
"[dopo dal taramot] ancje il domo al è tornât sù insieme cu lis nestris cjasis e contradis"
gjavât fûr di "Une piçule storie inte grande storie" di Antoni Beline
tornâ sù loc.v.
Tornâ a vê salût, fuarce, funzionalitât e v.i.
esemplis
"o soi vieli, furlans, soi lambicât / dai pinsîrs di famee, / cu la sorte che simpri mi sbelee, / e nol è di stupî / se o deventi imbecîl plui ogni dì, / se ogni dì plui voi jù / sence sperance mai di tornâ sù"
gjavât fûr di "Il Strolic mezan par l'an 1866" di Pieri Çorut
tornâ sù loc.v.
Cressi di gnûf di valôr, cuantitât, intensitât e v.i.
esemplis
"il presit de benzine al jere lât jù tai timps dal covid e po al è tornât sù"
tornâ sù loc.v.
Dal savôr dal mangjâ no ben digjerît, fâsi sintî di gnûf ancje timp dopo che si à mangjât
esemplis
"o ai sintût a tornâ sù la cevole dut il dopomisdì"
tornâ sù loc.v.
Jessi ricuardât o jessi pensât di gnûf
sinonims
vignî sù, tornâ tal cjâf
esemplis
"intant ae Mabile i jere tornât sù, come un rumi, il cantin de division cul cugnât"
gjavât fûr di "Mabile la Lunghine" di Maria Forte
"al siarà i voi e i tornà sù puar Tite e la tragjedie de sô muart tal Flum"
gjavât fûr di "Il timp par ledrôs" di Mario De Apollonia
torne sù